Donostiaren bihotzean piztu zitzaidan argazkilaritzarekiko zaletasuna.
Kontxako hondartzatik oso gertu, Aldapeta kalean gora eginda, Marianistas ikastetxea aurkituko duzu; han hartu nuen parte lehen aldiz argazkilaritzari buruzko tailerretan.
60ko hamarkada zen, eta, garai hartan, oso bestelakoa zen argazkilaritza. Karreteak, errebelatzea, gela ilunak… Munduari begiratzeko eta hura interpretatzeko beste modu bat ezagutu nuen. Asko zor diot lehen errebelatuekin lagundu zigun Txus izeneko irakasleari.
Maitasun handiz gogoratzen du jaunartzea egitean oparitu zidaten Werlisa kamera. Kamera digitalak. Nikon, Konica eta, noski, nire Leica maitea.
Erraza da argazkilaritzarekiko zaletasuna izatea Donostian bizita. Ezin fotogenikoagoa da, beti argazkian ateratzeko eta argazki bakoitzarekin ezaugarri berri bat erakusteko prest. Hiriari Kameraren bitartez begiratzeko moduak baldintzatzen du guztia.
Kamerak dira nire beste bidelagunak. Mundu osoan barrena eraman ditut, eta haien objektiboen bidez une, leku eta pertsona zoragarrien irudiak lortu ditut. Brasil, Kenya, Maroko, Japonia, Norvegia… Leku guzti horien oroitzapen zoragarriak ditut, eta, batez ere, Bartzelonakoak.
Jakin-min handiko pertsona naiz, geldiezina, eta bizitzan erronka berriei aurre egiteko prest nago beti. Argazkilaritzari dagokionez, Panning teknika eta zuri-beltzekoa ditut gustuko, baita estilo artistikoagoa duten argazkiak ere.
Web orri honetan, mundu osoarekin partekatu nahi dut argazkilaritzarekiko nire zaletasuna. Donostiarrak eta bisitariak, etxean zaudete. Ongi etorri
